La lubientscha da bajegiar vegnia annullada, uschia statti en la decisiun da la dretgira. Purtà plant avant la dretgira ha la chombra d'architects. Envers l'agentura da novitads dpa ha il president da la chombra d'architects ditg, ch'il «palaz alv» sco el vegn numnà, saja construì en in territori protegì. Il palaz ch'è dispitaivel pervi dals custs e sia grondezza è vegnì terminà l'onn passà. Tenor Recep Tayyip Erdogan ha el custà radund 400 milliuns euros ed ha da quai da 1’150 chombras. Anc betg cler è sche la sentenzia ha consequenzas.
RR novitads 15:00