Erdogan renfatscha a Gülen d'esser sa participà a l'emprova da putsch militar. La Tirchia ed ils Stadis Unids hajan ina cunvegna vicendaivla per extrader criminals, ha ditg Erdoan a l'emettur da televisiun CNN. Ils Stadis Unids na duessian betg tegnair in terrorist sco Gülen. Ils Stadis Unids stoppian extrader questa persuna a la Tirchia. Gülen refusa d'esser implitgà en il putsch militar.
Entant han ils Stadis Unids appelà ensem cun l'Uniun europeica ad Erdogan da sa moderar.
RR novitads 06:00
