Siglir tar il cuntegn

Header

Bastiment collidà cun ina punt da tren.
Legenda: Il bastiment è collidà cun ina punt da tren. Keystone
cuntegn

Exteriur Erlangen (D): Bastiment collidà cun punt - dus morts

Tar la havaria d'in bastiment da hotel sin il chanal Main-Donau èn morts dus commembers d'equipa.Tenor la polizia sa tractia da dus umens da 33 e 49 onns.

Co la disgrazia è capitada n'è anc betg cler. Il bastiment cun 180 passagiers a bord era sin viadi da Erlangen a Nürnburg cura ch'el è collidà cun ina punt. Tar la collisiun è la cabina dal manischunz vegnida destruida dal tut. Ils dus commembers da l'equipa èn stads serrads tranter la tocca. Ulteriuras persunas n'èn betg vegnidas blessadas.

Per salvar ils passagiers èn passa 200 forzas da salvament stadas en acziun. L'emprim ha stuì vegnir construida ina passarella d'urgenza. Perquai han ils passagiers e l'equipa spetgà passa quatter uras sin il salvament.

RR novitads 09:00

sda/dpa/ggf

Artitgels legì il pli savens

Nach links scrollen Nach rechts scrollen