Siglir tar il cuntegn
cuntegn

Exteriur Erupziun dal vulcan a Guatemala

A Guatemala è in vulcan rut ora, tenor indicaziuns da las autoritads èn almain 25 persunas mortas. Radund 300 sajan blessadas. Il vulcan spida vinavant tschendra e crappa lunara.

In flum da lava al vulcan.
Legenda: Igl è la segunda erupziun quest onn. Keystone

In flum da lava haja destruì il vitg El Rodeo, ha annuzia l'autoritad per cas da catastrofa Conred. Intginas persunas èn mortas en lur chasas. Il manader da l'autoritad per cas da catastrofa quinta ch'il dumber da las victimas pudess anc crescher. 3'100 persunas hajan stuì bandunar la regiun enturn il vulcan, scrivan las autoritads sin Twitter. Plinavant sajan pertutgadas 1,7milliuns persunas da l'erupziun, scriva la regenza.

Il vulcan del Fuego haja spidà ina nivla da tschendra da sis kilometers autezza, uschia ch'ils autos e las chasas sajan cuvertas cun tschendra, scrivan las autoritads. A Guatemala-City radund 70 kilometers davent dal vulcan ha la plazza aviatica il mument stuì interrumper il manaschi. Igl è gia la segunda erupziun dal vulcan del Fuego quest onn.

RR novitads 06:00