- Il vulcan Taal sin las Filippinas stgatscha davent ils umans sin l'insla abitada spessamain. Duas persunas èn mortas.
- I vala anc adina il stgalim da privel 4 (da 5) – sco dapi la dumengia.
- In'erupziun explosiva pudessi dar aifer uras u dis.
- Tenor indicaziuns da las autoritads èn gia passa 53'000 umans ids en segirtad.
video
Vulkanausbruch auf den Philippinen
Or da News-Clip dals 12.01.2020.
laschar ir. Durada: 40 Secundas.
Intgins umans sajan restads tar lur chasas e lur animals u ch'els sajan returnads dals centers d'evacuaziun gia plains. Gidanters, polizia e militar èn ids tras las citads. «Il vulcan è incalculabel e nus schain als umans ch'els na possian betg restar en la citad u returnar en lur chasas», ha ditg il schef da polizia da Agoncilo, Danilo Manala.
En la vischinanza dal vulcan abiteschan plirs tschientmilli umans. Il Taal è actualmain uschè privlusamain activ sco dapi 40 onns betg pli. El ha spidà lava ed igl ha dà ferma plievgia da tschendra.
RTR novitads 08:00