Johann Schneider-Ammann, il president da la Confederaziun, ha duvrà clers pleds en sia posiziun via Twitter. Qua si'opiniun davart ils acts da terror cun plirs tozzels morts:
Reacziuns svizras suenter ils attentats
Suenter ils attentats a Brüssel examinescha l'Uffizi federal per polizia Fedpol cuntinuadamain la situaziun.
Ina Taskforce da la Fedpol stat en contact cun las polizias chantunalas dals chantuns cun eroport Turitg, Basilea e Genevra ed er cun il stab directiv da la polizia naziunala. Per mesiras da segirtad concretas èn ils corps da polizia chantunals responsabels.
Sgols da la Svizra vers Brüssel èn vegnids stritgads. Tenor las Viafiers federalas n'èsi anc betg cler, co ils trens planisads vers Brüssel curseschan. Il Departament da l'exteriur ha endrizzà ina helpline cun infurmaziuns per viagiaturs vers Brüssel, il link avra en ina nova fanestraavrir en il browser.
La chanzeliera da la Germania Angela Merkel
«L’orrur è gist uschè illimitada sco la persvasiun da batter il terrorissem. ... Nossa forza è nossa unitad. Ed uschia vegnan nossas societads a sa mussar pli fermas ch’il terrorissem.»
Il president da la Frantscha François Hollande
«Nus essan colliads cun la Belgia entras la sgarschur che nus partain in'ulteriura giada. Ils terrorists han oz fatg stremblir la Belgia, ma lur mira è l'Europa - l'entir mund è pertutgà. La guerra cunter il terrorissem sto vegnir cuntinuà en l'entir'Europa e cun tut ils meds necessaris, cunzunt en il champ dals servetschs d'infurmaziuns.»
Legenda: Il president da la Russia Vladimir Putin. SRFIl president da la Russia Vladimir Putin
«Las attatgas en Belgia condemn’jau sco crim barbaric. Il terrorissem n’enconuscha nagins cunfins e sto perquai vegnir cumbattì en collavuraziun activa internaziunala.»
Legenda: Il primminister da l’Italia Sergio Mattarella. SRFIl primminister da l’Italia Sergio Mattarella
«I na va betg mo per la libertad, mabain per il futur da la convivenza umana.»
Legenda: Il retg da la Belgia Philippe. KeystoneIl retg da la Belgia Philippe
Il retg da la belgia Philippe ha condemnà las attatgas sanguinusas sco «temelitg e disgustus». En ses curt pled a la naziun dal mardi saira ha el appellà da respunder al privel terroristic «cun resolutezza, quietezza e dignitad». «Lain salvar la fidanza en nus», ha ditg il monarc. «Questa fidanza è nossa forza.» En la Belgia èsi zunt rar ch’il retg sa drizza directamain al pievel suenter eveniments actuals.
David Cameron, il primminister da la Gronda Britannia, è sa mussà schocca ed inquiet pervi dals eveniments a Brüssel. Ins vegnia a far tut per gidar.
RR novitads 09:00 / actualisà cuntinuadamain