Rob Wainwright, il directur dad Europol, ha ditg oz ad Amsterdam che l'organisaziun terroristica «Stadi Islamic» (SI) haja novas pussaivladads per attatgas. Surtut en Frantscha saja la ristga d'in’ulteriur’attatga terroristica gronda. La Frantscha e la Gronda Britannia na vulan dentant betg laschar tementar, malgrà in nov video da smanatscha. Il video mussia ils attentaders da Paris curt avant l'attatga.
Nova structura da commando per attatgas
Europol ha tranter auter cità infurmaziuns dal servetsch secret che mussan che l'SI haja sviluppà ina nova structura da commando per attatgas en l'exteriur. Uschia possian ils terrorists attatgar la mira giavischada cur ch'els vulan.
RR novitads 15:00