Siglir tar il cuntegn
Inhalt

Exteriur Eurovision Song Contest 2016: Ucraina gudogna

L'Ucraina gudogna l'occurrenza a Stockholm avant l'Australia e la Russia. La chantadura Jamala ha fatg cun sia chanzun «1944» ils pli blers puncts (534) e persvas l’auditori.

Sin il segund plaz suonda l’Australia cun 511 puncts. Sin il terz plaz la Russia cun 491 puncts.

Il tema da la chanzun «1944» è stà la stgatschada da la minoritad dals Tircs da la Crim durant la Segunda Guerra mundiala tras il dictatur sovietic Josef Stalin.

Tut en tut han candidatas e candidats da 26 pajais fatg part dal final. 42 pajais han pudì votar.

La victura Jamala valeva gia ordavant sco ina da las favuritas da l’occurrenza. L’onn che vegn ha l’Eurovision Song Contest uschia lieu a Kiew en l’Ucraina.

La chantadura svizra-canadaisa Rykka ha manchentà il final, il link avra en ina nova fanestra cun sia chanzun «The Last Of Our Kind».

RR novitads 06:00