Da tge substanza ch'i sa tracta e danunder ch'ella deriva na datti anc naginas infurmaziuns. Ins possia dentant dir che la substanza na saja betg privlusa. En la cuverta avevi er in scriver. Quel na cuntegnia naginas smanatschas d'assassinat.
En tut hajan quatter persunas gì contact cun la substanza. Tenor la polizia era la cuverta gl'emprim en in biro da Hillary Clinton a Manhattan. Davent da là saja ella vegnida transportada en la centrala a Brooklyn. La polizia ha evacuà il venderdi saira la 11avla auzada dal bajetg.
RR novitads 10:00