Exteriur - Evacuà plattafurmas da perforaziun en la Mar dal Nord
Pervia da grondas undas èn periclitads ils lavurers sin pliras plattafurmas da perforaziun en la Mar dal Nord avant la riva da la Norvegia. In lavurer saja mort cura ina tarmenta unda haja tutgà la plattafurma a Troll, communitgescha l'interpresa Statoil.
Dus ulteriurs lavurers sin la plattafurma a Troll sajan blessads. La plattafurma saja entant vegnida evacuada. Per muments ha era il concern d'ieli BP stuì evacuar ils lavurers ord in champ d'ieli en la Mar dal Nord. La plattafurma era periclitada entras in bastiment da vitgira ch'era sa distatgà da la plattafurma. Entant è il privel passà.
