Las viafiers federalas tudestgas (DB) vulan anc mardi negoziar cun il sindicat dals locomotivists per evitar in’ulteriura chauma. Quai ha ditg il schef da la DB Ulrich Weber.
Ils temas centrals èn l'elavuraziun dals contracts collectivs, las cundiziuns, daners e temp. Per las discussiuns ha la Deutsche Bahn consultà l'expert per dretg da lavur Klaus Bepler.
Il sindicat dals locomotivists ha annunzià ina chauma per il traffic da rauba gia per il suentermezdi. Davent da la notg sin mesemna duajan er ils trens da persunas star airi.
