A Singapur è in anteriur banchier svizzer vegni sentenzia a set mais praschun. Ina dretgira ha declerà culpabel il manader da la filiala da la banca svizra Falcon d’avair lavà daners. Era sto el pajar in chasti da radund 90'000 francs.
La sentenzia stat en connex cun l’affera da corrupziun enturn il fond statal da la Malaisia 1MDB. Tenor la sentenzia n’aveva il banchier betg annunzià transacziuns da sur 1,2 milliardas francs. Il manager da la banca era sa declerà culpant en 16 puncts d'accusa.
En connex cun la medema affera èn gia 3 anteriurs collavuraturs da la banca privata BSI vegnids sentenziads a praschun en il Singapur.
