Siglir tar il cuntegn

Header

Experts da la WHO.
Legenda: Liang Wannian da la China e Peter Ben Embarek e Marion Koopmans da la WHO han infurmà davart novas enconuschientschas. Keystone
cuntegn

Examinaziun da la WHO a Wuhan Coronavirus vegn fitg probabel d'utschels-mezmieur

Tenor las novas enconuschientschas da la WHO èsi pauc probabel, ch'il coronavirus è sortì d'in labor.

L'organisaziun mundiala da sanadad WHO ha infurmà davart sias examinaziuns davart il cumenzament da la pandemia da corona a Wuhan. I dettia novas enconuschientschas ha ditg l'expert da la WHO, Peter Ben Embarek. Quellas n'hajan dentant betg midà dramaticamain la vista generala.

En spezial saja fitg pauc probabel ch'il coronavirus saja sortì d'in labor chinais. Il virus saja plitost arrivà tar l'uman d'animals, probabel da l'utschè-mezmieur sur auters purtaders intermediars, ha ditg Ben Embarek. I dovria dentant anc ulteriuras examinaziuns per chattar la via exacta ch'il virus haja fatg.

A Wuhan eran il december dal 2019 vegnidas confermadas las emprimas infecziuns cun il coronavirus. Probablamain cursava quel dentant gia pli baud. Ils experts internaziunals da la WHO èn stads quatter emnas a Wuhan per tschertgar l'origin dal virus.

video
Experts da la WHO davart cumenzament da la pandemia a Wuhan
Or da Tagesschau dals 09.02.2021.
laschar ir

RTR novitads 14:00

Artitgels legids il pli savens

Scrollar a sanestra Scrollar a dretga