Executà adherent da Mursi

In adherent da l’anteriur president egipzian Mohammed Mursi è vegnì executà. Quai è l'emprima giada ch’in adherent vegn executà dapi che l'anteriur president egipzian Mohammed Mursi è vegnì cupitgà.

Il bajetg da la Dretgira penala ad Alexandria en Egipta. Bild in Lightbox öffnen.

Legenda da maletgs: Il bajetg da la Dretgira penala ad Alexandria en Egipta. Reuters

L'islamist Mahmud Hassan Ramadan è vegnì pendì sonda en ina praschun ad Alexandria. Ramadan aveva bittà la stad 2013 dus giuvenils giu d'ina chasa auta. In dad els è mort.

Tschertga sin frars muslims

Dapi che Mursi è vegnì cupitgà fa la giustia egipziana chatscha sin ils frars muslims che vegnan valitads sco terrorists. Sentenziads a la mort èn gia tschients vegnids. Ramadan è il prim ch'è era vegnì executà.

RR novitads 12:00