Siglir tar il cuntegn

Header

Navigaziun

cuntegn

Exteriur Explosiun a Paris – quatter persunas èn mortas

Ina ferma explosiun en ina furnaria ha scurlattà la sonda a bun'ura il center da Paris. Tenor las autoritads sajan quatter persunas mortas.

Pumpiers al lieu da l'explosiun.
Legenda: Gronda explosiun a Paris. Reuters

La sonda a bun'ura hai dà en il novavel arrondissement da Paris ina greva explosiun en ina furnaria, quai communitgescha la polizia. Quatter persunas èn mortas. Sco l'agentura da novitads franzosa AFP communitgescha sajan sper dus pumpiers er ina turista spagnola morta. Ina quarta persuna è vegnida chattada morta la dumengia sut las ruinas da l'explosiun.

Tar l'explosiun èn la sonda 47 persunas vegnidas blessadas e da quellas 10 grevamain. Fanestras sajan siglientadas e la part sut dal bajetg saja vegnida devastada fermamain e saja stada en flommas. Er autos ch'eran parcads sin la via sajan vegnids donnegiads. La polizia suppona ch'ina lingia da gas rutta haja chaschunà l'explosiun ed il fieu.

RR novitads 10:00++