Sche l’acziun è stada motivada politicamain, n’è anc betg cler. La polizia investighescha dentant pervi d'ina attatga probabla. Davart suspectads n'ha la polizia betg vulì tradir insatge per motivs tactics durant l'investigaziun.
Sco quai ch'in pledader da la polizia ha ditg saja la chargia explodida enturn las 19:20 la saira, davant il biro da la partida «Alternative für Deutschland» a Döbeln. I haja bain dà in donn material vid il bajetg e vid dus autos parcads, persunas n'èn dentant naginas vegnidas blessadas.
RR novitads 07:00