En Germania hai dà in’explosiun davant il biro da la partida populistica da dretga AfD. Ina chargia explosiva saja detunada ier saira en la citad da Döbeln en il Bundesland Sachsen. Quai ha communitgà la polizia tudestga. Persunas na sajan betg vegnidas blessadas. Il bajetg è vegnì donnegià.
Legenda:
A Döbeln, davant il biro da la partida populistica AfD hai dà in'explosiun.
Keystone
2 / 3
Legenda:
Il bajetg e dus autos èn vegnids donnegiads da l'explosiun.
Keystone
3 / 3
Legenda:
In policist fa fotografias dals donns chaschunads da l'explosiun a Döbeln.
Keystone
Sche l’acziun è stada motivada politicamain, n’è anc betg cler. La polizia investighescha dentant pervi d'ina attatga probabla. Davart suspectads n'ha la polizia betg vulì tradir insatge per motivs tactics durant l'investigaziun.
Sco quai ch'in pledader da la polizia ha ditg saja la chargia explodida enturn las 19:20 la saira, davant il biro da la partida «Alternative für Deutschland» a Döbeln. I haja bain dà in donn material vid il bajetg e vid dus autos parcads, persunas n'èn dentant naginas vegnidas blessadas.
