Explosiuns ad Istanbul

En il center da la citad da Istanbul ha quai dà duas explosiuns suenter in gieu da ballape. Il minister dal intern Süleyman Soylu discurra d’attatgas sin la polizia.

Il quartier da Besiktas è in popular lieu da sortida e la fin d’emna fitg fullanà. Bild in Lightbox öffnen.

Legenda da maletgs: Il quartier da Besiktas è in popular lieu da sortida e la fin d’emna fitg fullanà. Keystone

Tar duas explosiuns cun bumbas d’autos en il center da la metropola Istanbul èn radund 20 policists vegnids blessads, ha ditg il minister dal intern tirc Süleyman Soylu al emettur da televisiun NTV. Sa referind sin indicaziuns da la polizia rapporta la gasetta tudestga Bild che 13 persunas sajan mortas. Conferma ha nagina questas indicaziuns.

La bumba en l’auto era explodida datiers dal stadion da ballape da Besiktas, quai rapportan perditgas.

Bun ina ura e mez avant l’explosiun era in gieu da ballape ids a fin en quest stadion. Ils blers visitaders eran gia ids a chasa dentant eran anc blers policists avant lieu.

RR novitads 22:00