Siglir tar il cuntegn

Header

cuntegn

Exteriur Explosiuns chaschunan 114 unfrendas

5 dis suenter las explosiuns vehementas en la metropola chinaisa Tianjin è il dumber dals morts entant creschì sin 114. 70 persunas vegnian anc adina sparidas, rapporta l'agentura da novitads statala.

Tranter ils morts e sparids èn er plirs 10 pumpiers che sa chattavan en il magasin cun chemicalias privlusas, cura che l'explosiun è succedida.

Tar ina visita al lieu da disgrazia ha il primminister chinais Li Keqiang exprimì ses respect envers ils pumpiers e numnà els «eroxs».

Far prescha da dismetter chemicalias

Fin glindesdi saira duain radund 700 tonnas da la chemicalia natriumcyanid vegnir dismessas, communitgeschan ils responsabels da la citad.

Il motiv da far tala prescha è ch’ì vegn probabel a plover glindesdi saira. Il privel che las chemicalias giessan en il terren ed en l’aua saja gronda. Era pudessan gas toxics contaminar l’aria, scrivan ils responsabels.

RR novitads 06:00 / 14:00

Artitgels legids il pli savens