Il pavigliun ha custà passa 8 milliuns euros ed attira numerus visitaders directamain davent da la via principala tar il pavigliun.
Ultimas lavurs davos las culissas
L’edifizi marcant da colur alva consista da plirs plauns ch’èn colliads cun numerusas stgalas. Tut las lavurs da construcziun n’èn dentant anc betg finidas. Ils mirs èn per part anc umids e singuls cabels e bischens guardan or da las paraids.
9 puncts d'attracziun
Nov differentas attracziuns porscha il padiglione en tut, tranter auter ina sala che consista cumplettamain or da spievels, sin ils quals vegn projectà cuntradas.
Nota insuffizienta pervi d'avair manchentà il tema
Projects che s’occupassan dal tema principal da l’ExpoMilano: «Nutrir il mund, energia per la vita», na chattan ins betg propi blers tar il pavigliun talian. Percunter meritass el - sco blers auters pavigliuns er – in pèr puncts en pli per il trategniment.
.