Avant l’avertura da l’exposiziun mundiala han ins adina puspè pudì leger dals adversaris da l’ExpoMilano. Durant demonstraziuns l’emprim da matg amez la citad da Milano han ins vesì ch’els existan. Armon Schlegel s’ha perquai mess a la tschertga.
Paucs èn s'exprimì encunter l'Expo
Da passa 20 intervistas ha el gista chattà ina persuna che s’ha expressà encunter l’exposiziun. Sia lavur ha el tranteren er gì dadinterrumper cun quai che la polizia ha vulì savair sch’el haja in permiss per filmar sin l’areal da la staziun che tucca ad ina societad privata. L’odissea fin ch’el è rivà a la dretga adressa ha custi temp. Finalmain haja tuttina dat avunda purtrets. Dapli da vesair en il Telesguard dals 06-05-15.
Padiglione Italiano
La visita en il Padiglione Italiano, damai quel dal pajais ospitant ha fatg impressiun. Na forsa pervi da la tematica da l’exposiziun, ch’ils talians han betg duvrà, mabain pervi da las dimensiuns.
Il Palazzo Italia – uschia ha num il pavigliun – sumeglia tenor Anna ad ina construcziun d’in pastizier che ha tratg fils da caramella alva sin ina lastra.
Quai resta en memoria
En memoria restan sper las numerusas stgalas, la stanza cun spievels e las lavurs che han anc da vegnir finidas. Las controllas a l’entrada e sortida da l’ExpoMilano davent cun l’augment da visitaders sin bun 200’000 adina main severas. Dentant n’è Armon betg puspè entrà cun ses cuntè da satg. Per na betg laschar el tar il policist, ha el perquai chavà ina fora sut ina planta e zuppà en quella il cuntè da satg. La saira ha el natiralmain chattà puspè la dretga plantina cun ses pitschen stgazi. Damaun emprova el puspè da passar cun quel tras la controlla d’entrada.