Entant ch’il di dad Anna ha cumenzà cun lavur da biro, ha Armon visità a l’ExpoMilano il pavigliun svizzer. Ed è i en tschertga da respostas sin la dumonda : Tge relaziun ha questa exposiziun insumma cun nus rumantschs, cun nus svizzers?
Bain spert ha el chattà rumantschs e grischuns ch’avevan da cumbatter cun pli gronds e pli pitschens problems – dapli davart quell’istorgia datti en il Telesguard da glindesdi saira.
Felicità .....
Anna ha inscuntrà casualmain passond speravi il pavigliun dal Kasachstan l’enconuschent chantadur talian: Al Bano Carrisi.
Apaina che la glieud ha realisà ch’i sa tracta dal commember dal duo Al Bano e Romina Power, ha cumenzà la chatscha da purtrets J Tuttina ha Anna survegnì ina curta intervista dal star.
Colonnas davant il pavigliun giapunais
Nua che la glieud stat in colonna datti segir insatge d’interessant. Quai han pli probabel pensà er tut quellas persunas che èn stadas in lingia passa 30 minutas davant l’entrada dal pavigliun giapunais.
Spetgà ils visitaders ha in mund virtual /tecnic cun shows.
Segund nus na datti però betg propostas u soluziuns concretas a reguard il nutrir il mund, mabain ina plattafurma da publicitad per il restaurant cun cuschina giapunaisa, ch’ins cuntanscha be suenter avair fatg la tura tras il pavigliun. Avir maletg en lightbox.
E per finir anc insatge per ils muntagnards
Maschinas da dimensiuns gigantescas sin il tetg dil pavigliun d’in producent da maschina agriculas. (ac/as)