Ils politichers grischuns visitan l’exposiziun mundiala a Milaun. Era RTR è preschent. Ils 10 da zercladur è numnadamain il di Grischun a l’EXPO. Suenter che nus avain cuschinà ina pulenta speziala cun las ingredienzas dal pavigliun svizzer, datti oz pulenta per las ureglias.
Legenda:
Ils parlamentaris grischuns emprovan da chantar la chanzun da la pulenta a l’Expo Milano 2015.
Keystone
RTR accumpogna il viadi dals parlamentaris Grischuns davent da Cuira enfin Milano. En il bus vegn trenada la chanzun tradiziunala «La bella polenta». La sfida è da preschentar questa chanzun a l’EXPO e d’udir ella en il Radio Rumantsch.
E fertant che Alice Bertogg trenescha cun ils parlamentaris grischuns, lascha Tona Poltera chantar ils talians a Milaun la chanzun tradiziunala. Tuns e suns èn dad udir en il Radio Rumantsch da las 06.00 enfin las 12.00.
