In dals pavigliuns preferids tar visitaders pli giuvens e scolars è per exempel quel da la Brasilia. L’entrada da quel consista d’ina rait tendida a travers, ed ils visitaders han da ballantschar suravia.
Ma er il Giapun attira glieud en massas. La lingia da spetga n’è quasi mai pli curta che in’ura. La show preschentada sa fatschenta surtut cun il tipic nutriment giapunais, e plascha er a tuts che tschertgan divertiment.
In pavigliun che plascha er fitg bain, sper il svizzer cun sias turs da vaider, è il project da l’Austria. Ils visitaders arrivan en in guaud cun in’auta umiditad e temperaturas pli frastgas, damai in lieu ideal durant dis cun 29 e passa grads.
