La Russia e la Tirchia han discurrì davart la cunvegna da granezza tranter la Russia e l’Ucraina. Quai rapportan pliras agenturas da novitads. La Tirchia intermediescha en chaussa. La Russia saja pronta per ina nova cunvegna ha ditg il minister da l’exteriur russ Sergej Lawrow. Quai dentant be sut cundiziuns: Uschia pretendia la Russia garanzias dal vest ch’er els possian exportar granezza e fertilisader libramain.
Il fanadur n’aveva Moscau betg prolungà la cunvegna vertenta. Grazia a quella ha l’Ucraina pudì exportar granezza sur la Mar Naira. Pervi da la bloccada russa pudess la crisa alimentara en pajais paupers anc s’intensivar.