-
Bild 1 von 4. Divers edifizis èn ida en paglia entras ils terratrembels. Bildquelle: Keystone.
-
Bild 2 von 4. En la regiun da Catania hai dà donns materials. Bildquelle: Keystone.
-
Bild 3 von 4. Numerus abitants da la regiun da Catania han chasas destruidas. Bildquelle: Keystone.
-
Bild 4 von 4. Il vulcan Etna spida dapi l'entschatta da l'emna puspè tschendra e lava. Bildquelle: Keystone.
Dapi il glindesdi spida il vulcan Etna sin l'insla taliana Sicilia tschendra. Quai chaschuna adina puspè terratrembels. La notg sin mesemna è vegnì registrà in terratrembel da la fermezza 4,8. Tenor emprimas indicaziuns sajan 10 persunas vegnidas blessadas. Plirs bajetgs sajan vegnids donnegiads. Quai rapportan medias localas.
Traffic aviatic impedì
Er il traffic en l'aria è stà impedì ils davos dis. Uschia n'han il glindesdi suentermezdi ils aviuns betg pli pudì atterrar a l’eroport da Catania. In nivel da tschendra en la regiun aveva impedì quai. En il fratemp possian ils aviuns puspè atterrar, ha communitgà l’eroport. Ina part da l'autostrada saja vegnida serrada per motivs da segirezza.
Il vulcan Etna n'è betg be il pli grond ma er il pli activ vulcan en l'Europa. La davos gronda erupziun hai dà l'onn 1992.
RR novitads 06:00++