-
Bild 1 von 3. Pumpiers datiers da là nuà che l'explosiun è capitada. Bildquelle: Reuters.
-
Bild 2 von 3. Investigaturs examineschan il material suenter l'explosiun capitada sin la 23rd street tranter la 6th e 7th avenue. Bildquelle: Keystone.
-
Bild 3 von 3. President da New York Bill de Blasio a la conferenza da meds da massa (tegn il maun avant bucca). A sia dretga: Comissioner James O'Neill, schef da la polizia da New York. Bildquelle: Keystone.
Naginas da las persunas sajan en privel da vita. La raschun per l'explosiun n'è anc betg enconuschenta.
L'unitad da cunterterrorissem da la citad da New York ha communitgà via Twitter ch'i na dettia il mument nagins indizis per acts terroristics. Quai ha confermà il president da la citad da New York Bill de Blasio. El ha agiuntà ch'i sa tractia però tgunsch betg d'in accident mabain d'in act intenziunà.
Tenor emprimas retschertgas saja l'explosiun succedida en ina container da rument en il quartier da Chelsea enturn las 02:30 la notg da temp svizzer. La polizia ha appellà a la populaziun d'evitar il quartier.
Intginas vias èn serradas ed igl ha dà impediments en il traffic da la subway.
Curt suenter l'explosiun ha la polizia chattà datiers dal lieu da l'explosiun ina chazzetta a vapur suspectusa colliada cun cabels.
Ultra da quai saja stà fixà cun in bindel da tatgar in object nair vi da la chazzetta.
Quai ha rapportà l'emettur da televisiun american CNN sa referind a la polizia.
Sche la chazzetta a vapur haja da far cun l'explosiun a Chelsea n'è betg cler.
L'onn 2013 eran explodidas duas chazzettas a vapur emplenidas cun dinamit durant il maraton a Boston.
3 persunas eran vegnidas per la vita là.
Lieu da l'explosiun
Gia avant ina explosiun
Gia avant l'explosiun a New York avevi dà in'explosiun a New Jersey sper New York. En il Seaside Park, nua ch'ina cursa d'infantaria da la marina cun 5'000 participtants duai avair lieu la dumengia è explodida ina bumba da bischens. Duas ulteriuras da quellas - colliadas cun l'emprima - n'èn però betg detunadas. Ellas eran vegnidas deponidas en ina sadella da rument.
Quella bumba n'haja da far, tenor stan da las retschertgas actualas, nagut cun la segunda detunaziun. Quai ha ditg il president da New York Bill de Blasio en ina conferenza da pressa la notg da sonda sin dumengia.
RR novitads 06:00