En il territori da skis Schafberg a Gargellen saja ina snowboardista svizra vegnida giud pista e crudada radund 20 meters en la profunditad, ha la polizia communitgà. Latiers saja ella sfundrada cun il chau avant en la naiv. Trais persunas ch'han accumpagnà ella sin pista han dumagnà da chavar ora la disgraziada ed empruvà da reanimar ella, dentant senza success. La dunna è anc morta al lieu.
Dus ulteriurs skiunzs èn sa disgraziads independentamain in da l'auter a Vorarlberg. Omaduds sajan vegnids en ina lavina sper pista.
RR novitads 06:00