Legenda:
Cumbattants da la melissa da terrur Stadi islamic.
Keystone
cuntegn
Exteriur - 48 uras pausa da cumbat en la Siria
Per pliras citads en il nord-vest da la Siria è vegnì fixà ina pausa da cumbat da 48 uras. Sco quai ch'il post d'observaziun sirian rapporta, sajan las truppas da la regenza, la Hisbollah ed ils rebels islamistics sa cunvegnids che quella duai valair a partir dad oz en damaun a las 6:00.
Las duas partidas da conflict negozieschian il mument plinavant davart ina retratga ed ina fin da l'occupaziun da pliras citads, uschia il post d'observaziun che sa referescha sin infurmaziuns d'ina rait da medis ed activists en Siria.