Exteriur - 6 fugitivs sirians turnan da la Grezia en Tirchia
Per l’emprima giada dapi duas emnas èn fugitivs sirians vegnids manads ord la Grezia en Tirchia. I sa tractia da quatter umens, ina dunna ed in uffant, conferman las autoritads greccas.
Tut las persunas hajan renunzià voluntarmain da dumandar asil en Grezia. Uschia crescha il dumber da fugitivs surdads da la Grezia a la Tirchia dapi ils 4 d’avrigl sin 509.
Pervi da la mancanza da persunal e pervi dal grond dumber da persunas vegnan questas repatriaziuns ma vinavant plaun. Sin las inslas greccas èn uss dapli che 14’000 fugitivs.
