Legenda:
Abitants da Saint-Denis vegnan evacuads da la polizia, ils 18 da november 2015.
Keystone
cuntegn
Exteriur - 7 dad 8 persunas arrestadas a Saint-Denis puspè libras
Suenter la razzia da la polizia en il nord da Paris èn 7 da las 8 persunas ch'eran vegnidas arrestadas puspè en libertad. Quai annunzian medias franzosas sa basond sin la procura publica.
L'affitader da l'abitaziun a Saint-Denis, nua che la polizia aveva fatg la razzia, resta vinavant sut arrest. L’amia da l’affitader e 6 persunas che sa chattavan en la vischinanza dal bajetg èn libras.
En quest'abitaziun aveva la polizia chattà 3 baras. Tranter quellas sa chattava era Abdelhamid Abaaoud, che vegn supponì d'avair organisà las attatgas.