En ses pled ha il primminister Shinzo Abe punctuà, ch'il Giapun desistia er en l'avegnir d'armas atomaras. Abe era vegnì crititgà perquai ch'el n'aveva betg ditg quai gia a chaschun dal di commemorativ da Hiroshima.
Ils Americans avevan bittà ils 9 d'avust 1945 in'ulteriura bumba atomica sin il Giapun, suenter che l'emprima aveva devastà la citad da Hiroshima. Sulettamain a Nagasaki eran radund 70’000 persunas mortas immediatamain pervi da la bumba atomica.
RR Novitads 09:00