Tenor l'index da la fomina mundiala èn 600'000 persunas mortas da la fom ils ultims 15 onns. Mintga quart uffant ha retards cun crescher e stgars mintga 10avel è corporalmain indeblì pervi da las consequenzas da la fomina. Quai tenor l'index mundial da la fom da l'institut Ifpri che sa basa sin las datas da las organisaziuns «Conern Worldwide» ed il «Agid cunter la fom mundial».
Guerras e cunflicts armads neutraliseschan mesiras cunter la fom
Tenor l'index è il problem il pli grond en la Republica Centralafricana, il Tschad, la Sambia e l'Asia dal sid. Las organisaziuns puntueschan ch'i n'haja bain dà naginas fominas catastrofalas dapi la fin dal 20avel tschientaner, però n'hajan tut las mesiras prendidas pauc effect. Questas vegnian neturalisadas dals cunflicts armads e las guerras ch'i dettia.
RR novitads 18:00