-
Bild 1 von 8Legenda: Il pontifex prelegia la furmla per canonisar a Mamma Teresa. Keystone -
Bild 2 von 8Legenda: Il reliquar cun ils relicts da Mamma Teresa vegn portà da duas mungias tar la canonisaziun. Keystone
-
Bild 3 von 8Legenda: In spiritual cun telefonin en maun bitga il reliquar cun ils relicts da Mamma Teresa. Keystone
-
Bild 4 von 8Legenda: La regina spagnola Sofia è era vegnida tar la ceremonia a Roma. Keystone
-
Bild 5 von 8Legenda: Mungias en la chasa mamma da l'urden da Mamma Teresa a Kalkota durant la ceremonia da canonisaziun. Keystone
-
Bild 6 von 8Legenda: Ils pelegrins durant la ceremonia festiva sin la plazza da Son Pieder a Roma. Keystone
-
Bild 7 von 8Legenda: Pelegrinas e pelegrins vegnan controllads sin lur viadi sin la plazza da Son Pieder. Keystone
-
Bild 8 von 8Legenda: Pelegrinas e pelegrins arrivan a la ceremonia. Keystone
1910 naschientscha sco Gonxha Agnes Bojaxhiu a Skopje
1928 entrada en l’urden da las soras da Loreto
1929 noviza en India cun il num sora Teresa, suenter il vut Mamma Teresa
1950 fundaziun da ses urden da las missiunaras per la misericordia
1979 premi Nobel da la pasch
1997 Mamma Teresa mora
2003 beatificaziun
04-09-2016 canonisaziun
L'Albania è loscha da la canonisaziun da Mamma Teresa. Pitschna naziun - gronda sontga - ha scrit il minister da l'exteriur albanais sin facebook. L'Albania sa dispita entant dapi onns cun la Macedonia ed il Cosovo per Mamma Teresa.
Dispita per la sontga nova
Tuts trais pajais recloman d'esser la patria da Mamma Teresa. En la Macedonia saja ella naschida, creschida si però en l’Albania e la mamma da Mamma Teresa saja entant stada cosovara.
Ceremonia a Roma
Plirs 100’000 da pelegrins èn s'inscuntrads la dumengia sin la plazza da Son Pieder per a Roma. Els han festivà la canonisaziun da la mungia e purtadra dal premi nobel da la pasch.
Mama Teresa è vegnida enconuschenta sco «anghel dals paupers» entras ses engaschi en l'India. A Kalkota sa deditgava la sora albanaisa cun ses urden «Missiunaras da la misericordia» als povers e basegnus.
Canonisaziun en temp da record
La canonisaziun da Mama Teresa è ina da las pli spertas da l'istorgia da la baselgia catolica. Gia l'onn 2003 era ella vegnida beatifitgada ed ussa, 19 onns suenter sia mort, declerada sontga. Uschia sa ella vegnir onurada en la baselgia catolica en tut il mund sco sontga.
Critica vi da Mamma Teresa
Malgrà tut quai n’è Mamma Teresa betg nundispitaivla. Ses dubis vi da Dieu, ch’eran vegnids enconuschents suenter la mort da la sora, ma era las circumstanzas en sias chasas da tgira vegnan crititgads savens. Auters rinfatschan a Mamma Teresa da mo avair tractà ils sintoms da la povradad.
RR novitads 12:00