Legenda:
L'accident è capità l'emprim d'october en la staziun istorica da Hoboken.
Keystone
cuntegn
Exteriur - Accident da tren a New Jersey: Il tren era memia sperts
Avant l'accident era il tren da viadi cun la dubla spertadad lubida. Quai resulta da l’examinaziun da las datas, conferman las autoritads da transport americanas.
Bun 40 secundas avant l’accident haja il tren anc accelerà. Alura saja quai vegnì tar l’accident a Hoboken. In zic pli pauc ch’ina secunda avant l’accident ha il locomotivist duvrà il frain d’urgenza, scrivan las autoritads.
Tar l’accident è ina dunna morta e 108 persunas èn vegnidas blessadas. Il motiv daco ch’il tren ha accelerà n’è anc betg sclerì.
