Ils blers civilists daventian unfrendas dals cumbats tranter forzas da segirezza e rebels. Ma er adina dapli civilists vegnian mazzads tar attatgas or da l'aria. Cun attatgas ord da l'aria vulan ils Stadis Unids sfurzar ils Talibans a discurs da pasch. Ils Taliban han fin uss dentant refusà tals discurs. Els pretendan che truppas da l’exteriur duain bandunar il pajais.
En vista a las elecziuns parlamentaras l'october pudess la violenza anc s'augmentar en l'Afghanistan.
RR novitads 12:00