Siglir tar il cuntegn
situaziun cun dunna e giuvenils en ina via cun bajetgs bumbardads
Legenda: En la guerra civila en la Siria renfatscha AI al reschime da Baschar Al-Assad da terrorisar sistematicamain la populaziun. Keystone

Exteriur AI: «La Siria terrorisescha la populaziun era cun rapinas»

En la guerra civiala da la Siria terroriseschia il reschim betg mo ses pievel cun bumbardaments. I vegnia er rapinà intenziunadamain persunas, crititgescha l'organisaziun per dretgs umans «Amnesty International».

Tenor «Amnesty International» (AI) vul la regenza dal president Baschar Al-Assad eliminar opponents e gudagnar daners cun rapinar persunas e pretender daners da liberaziun.

Dapi il 2011 haja la rait siriana per dretgs umans documentà almain 65'000 persunas sparidas. Per la pli gronda part (58'000) saja quai civilists, communitgescha AI.

Quests crims cunter l'umanitad fetschian part d'ina campagna planisada che derasia terror en il pajais, pretenda l'organisaziun per dretgs umans «Amnesty International».

RR novitads 08:00

Artitgels legids il pli savens