Exteriur - Almain 35 morts tar stemprà en il Bangladesch
Tar in grond stemprà en il nord-vest dal Bangladesch èn almain 35 persunas vegnidas per la vita. Millis da chasas èn vegnidas destruidas tras las malauras, scrivan las autoritads localas.
Legenda:
Ils abitants en il Bangladesch èn adina puspè pertutgads d’inundaziuns chaschunadas da stemprads.
Reuters
En pliras regiuns ha il stemprà chaschunà donns vi da pitgas d’electricitad e vida funs da ris. Sco las autoritads localas communitgeschan èn era pliras tschient persunas vegnidas blessadas.
Mintgamai la primavaira e l’entschatta da la stad chaschunan grevs stemprads per donns en il Bangladesch. Suenter ils stemprads vegn spetgà per regla il monsun.
