Legenda:
La gruppaziun terroristica Boko Haram vul eriger in stadi stric islamic.
Reuters
cuntegn
Exteriur - Almain 49 morts tras explosiuns en la Nigeria
In’attatga dubla sin in martgà en il nordost da la Nigeria maina a la mort d'almain 49 persunas. Tar l'attatga en la citad da Gombe sajan ultra da quai 71 persunas vegnidas blessadas, ha ditg in pledader da las forzas da salvament.
Fin uss n'ha nagin surpiglià la responsabladad per l'attatga. La moda da l'attatga lascha dentant supponer che la gruppa da terror islamistica Boko Haram è la culpa.