Legenda:
Pir la damaun han ils pumpiers gì sut controlla il fieu.
Keystone
cuntegn
Exteriur - Almain 5 morts tar incendi sin in bain puril
En la Baviera sura a Schneizlreuth ha in albiert sin in bain puril brischà venderdi notg. Entant hajan las truppas da salvament chattà 5 baras en il plaun sut il tetg.
In 6avel um n'è anc betg vegnì chattà. Ils umens valevan sco sparids dapi sonda en damaun. Tar quest brischament èn ultra da quai 7 persunas sa blessadas, 5 dad ellas grevamain. Helicopters han sgulà ellas en ospitals spezialisads.
Tenor la polizia sa chattavan 47 giasts en l'albiert. Il fieu era rut or la notg enturn las 3:00 en l'emprima auzada dal bajetg.
