Exteriur - Almain 6 morts en ina lavina en il Tirol dal Sid
L'accident e succedì en l'Ahrntal en la regiun da Bulsaun. Tenor l'agentura da novitads taliana Ansa èsi pussaivel ch'anc autras persunas èn sepulidas sut las massas da naiv.
Legenda:
Ils morts èn entant vegnids transportads a val cun helicopters.
Keystone
Tar lur retschertgas han las truppas da salvament era duvrà helicopters e chauns da lavinas. A plirs skiunzs saja gartegià da sa liberar sezs or da la lavina. Intgins sajan blessads.
Danunder che las unfrendas èn, n'è anc betg cler. La lavina è para sa statgada sin il Monte Nevoso sin 3358 meters sur mar. Ella saja 150 meter lada e 300 meter lunga.
