Il dumber da las unfrendas tar il brischament d’ina fabrica da chalzers sin las Filippinas è s’augmentà da 58 sin 72. Il dumber da las baras chattadas correspundia al dumber dals lavurers sparids, ha annunzià il president da la citad en il conturn da la chapitala Manila.
Il fieu era rut ora en la fabrica a l’ur da la chapitala da Manila tras ina maschina da buglir che ha envidà chemicalias. Silsuenter saja il fieu sa derasà cun gronda sveltezza, communitgeschan las autoritads da la protecziun cunter incendis.
RR novitads 7:00
sda/dpa/fc/fa