Legenda:
L'ambassada britannica en la chapitala iranaisa Teheran.
Keystone
cuntegn
Exteriur - Ambassada britannica a Teheran è puspè averta
L'ambassada britannica en la chapitala iranaisa Teheran è uffizialmain puspè averta. Ella è restada serrada per 4 onns. Tenor il minister da l'exteriur britannic Philip Hammond èn las relaziuns tranter la Gronda Britannia e l'Iran puspè meglras.
L'elecziun dal president iranais Hasahn Rohani e la soluziun dal conflict atomic hajan contribuì a quest resultat. Er l'ambassada iranaisa a Londra vegn puspè averta oz. L'ambassada britannica en l'Iran era vegnida serrada il november 2011 suenter che demonstrants avevan attatgà ella.
