Legenda:
Fugitivs a Misrata en la Libia che spetgan da pudair bandunar il pajais.
Reuters
cuntegn
Exteriur - Amnesty: La Libia vegn tar ina trapla mortala
L'organisaziun per dretgs umans Amnesty International avertescha l'Uniun europeica da destruir las bartgas che vegnan duvradas dals cuntrabandists en la Libia.
Quai vegnia a pegiurar vinavant la situaziun dals fugitivs en la Libia hai num en in nov rapport da l'organisaziun. Sche l'UE realiseschia ses plans sesian ils fugitivs dal tuttafatg en la trapla, uschia Amnesty International. L'organisaziun pretenda perquai da l'UE acziuns da salvament che tanschan fin avant la costa da la Libia. Plinavant pretenda Amnesty International ch’i vegni stgaffì dapli plazza per recepir fugitivs.
