Per l'emprima giada dapi 15 onns serra il concern da tecnologia Apple ses onn da fatschenta cun damain svieuta. En la fatschenta da Nadal vul Apple franar la sminuaziun cun il nov iPhone 7.
Legenda:
Products da firmas sco Huawei u Samsung ruin vid l'«Apple» californian.
Reuters
Sin la fin da settember ha Apple nudà ina svieuta da bunamain 216 milliardas dollars, quai èn 7,7% pli pauc ch'avant in onn. Il gudogn è sa reducì per 14% sin stgars 46 milliardas dollars, quai ha communitgà Apple.
La concurrenza da l’Asia crescha, e quai senta il concern a Cupertino: Danovamain ha Apple vendì damain iPhones (45,5 miu. apparats) che procuran per radund dus terzs da l'entira svieuta.
