Siglir tar il cuntegn
Explosiun da l'aviun d'armada russa tar la crudada.
Legenda: In dals pilots russ è vegnì per la vita, l’auter ha pudì vegnir liberà. Keystone

Exteriur Armada siriana liberescha pilot russ

In dals dus pilots russ da l’aviun d’armada ch’è vegnì sajettà giu da la Tirchia è para uss vegnì liberà da l’armada siriana, quai ha ditg l’ambassadur russ envers l’emettur da radio Europe 1.

L’auter pilot saja morts tenor indicaziuns russas. Cumbattants da l’opposiziun siriana han publitgà maletgs en l’internet che duajan mussar la bara dal pilot russ.

Il mardi aveva la Tirchia sajettà giu in aviun d’armada russ pervi che quel haja para offendì il spazi d’aria da la Tirchia. La Russia dementescha quai.

RR novitads 11.00

Artitgels legids il pli savens