Legenda:
AT&T ha dà la pussaivladad da survegliar la communicaziun d'internet da la centrala da las Naziuns Unidas a New York.
Keystone
cuntegn
Exteriur - AT&T era fitg cooperativ cun la NSA
En ils Stadis Unids ha il concern da telecommunicaziun AT&T para collavurà cun il servetsch secret NSA. AT&T haja dà access a la NSA a milliardas dad e-mails e discurs da handys che circulavan tras lur raits.
En il rom d'in program da collavuraziun haja la NSA pudì survegliar la communicaziun d'internet da la centrala da las Naziuns Unidas a New York dapi il 1985, rapportan la gasetta «New York Times» e l'organisaziun per retschertga «ProPublica». Ellas sa refereschan sin novs documents da l'anteriur collavuratur dal servetsch secret Edward Snowden. Tenor ils documents saja il concern stà fitg cooperativ.
