En l’Ollanda han 20 persunas mascradas attatgà in alloschi provisoric per fugitivs. Tenor in pledader da la polizia hajan ils attatgaders fiers fieu artifizial cunter il bajetg ed empruvà d’entrar cun forza.
11 persunas sajan vegnidas arrestadas, conferma la polizia. Tenor l’agentura da novitads tudestga dpa saja quai la pli gronda attatga da quest gener en l’Ollanda. La regenza ollandaisa ha sentenzià las attatgas, e pretendi chastis rigurus.
RR novitads 14:00