-
Bild 1 von 7. La staziun da metro Parsons Green nua che l'explosiun en in tren è succedida. Bildquelle: Reuters.
-
Bild 2 von 7. Las forzas da salvament evacueschan persunas or dal tren pertutgà da l'explosiun. Bildquelle: Keystone.
-
Bild 3 von 7. Il tren pertutgà a la staziun da metro Parsons Green. Bildquelle: Keystone.
-
Bild 4 von 7. Forzas da salvament tar la staziun Parsons Green. La raschun per l'explosiun è anc intscherta. Bildquelle: Reuters.
-
Bild 5 von 7. Entant discurran las autoritads dad in act terroristic. Bildquelle: Reuters.
-
Bild 6 von 7. Il conturn da la staziun da metro ha la polizia da Londra bloccà. Bildquelle: Keystone.
-
Bild 7 von 7. La polizia segirescha il conturn. Bildquelle: Keystone.
Ina bumba fatga sez è explodida il venderdi en damaun curt suenter las 8 temp local a la staziun da metro Parsons Green a Londra. Almain 22 persunas èn vegnidas blessadas e tractadas en ospitals. Las bleras persunas han arsentadas, pliras han era blessuras pervi da la panica suenter l'explosiun. Il mument n'è nagin en privel da vita tenor la polizia e la sanitad.
La primministra Theresa May ha convocà immediat il stab da crisa naziunal ad ina sesida d'urgenza. La polizia tschertga in u plirs culpants. Tschients da policists sajan vi d'analisar material da video ed auter material infurmativ. Quai ha communitgà Mark Rowley, il schef da la partiziun d'antiterror da Scotland Yard. Cunzunt vul la polizia savair co insatgi ha pudì transportar la bumba en il tren.
Canister brischant en vagun
La polizia discurra d'ina bumba improvisada cun agid da material explosiv. En las raits socialas han ins pudì vesair maletgs dad in canister che brischa en in vagun da la metro.
Tschintgavla attatga quest onn
En la Gronda Britannia hai dà quest onn gia quatter attatgas terroristicas. En tut èn 36 persunas mortas, e trais da questas quatter attatgas han gì in motiv islamistic. Sin la metro da Londra avevi gia dà l'onn 2005 in'attatga fitg gronda e sanguinusa, lura eran 52 persunas mortas.
RR novitads 11:00+