Exteriur - Attentader da Nizza è s’interessà per il moviment islamistic
Quatter dis suenter l'attentat a Nizza cun 84 morts vegnan a la glisch ulteriurs fatgs da l'attentader. Indizis che l'um saja stà in commember da la gruppa da terror Stadi Islamic na dat quai vinavant nagins.
Legenda:
maletg simbolic: il computer da l’attentader da la Tunesia è vegnì intercurì dad experts.
Keystone
L'attentader haja però senza dubi mussà interess per il moviment islamistic avant ch'el haja commess l'attatga, ha fatg a savair la procura publica a Paris. La evaluaziun da ses computer, haja mussà ch'il Tunesian haja tschertgà suenter videos da chants religius che l'organisaziun da terror dovria sco instrument da propaganda.
