Legenda:
Il chancelier austriac Chirstian Kern (sanester) ed il primminister ungarais Victor Orban.
Keystone
cuntegn
Exteriur - Austria ed Ungaria vulan reglar da nov lur relaziuns
L'Austria e l'Ungaria vulan reglar da nov lur relaziuns e terminar lur dispita davart la politica da fugitivs. Il tractament dals requirents d'asil ha ditg sumbrivà las relaziuns tranter Vienna e Budapest.
Ins saja sin buna via da cumenzar in nov chapitel per ina collavuraziun averta e transparenta, ha ditg il chancelier austriac Christian Kern suenter l'inscunter cun il primminister ungarais Victor Orban. Ils schefs da regenza èn tranter auter sa cunvegnids che l'Austria tramettia 20 policists en l'Ungaria per gidar il vischin da segirar ils cunfins tar la Serbia.
